2024 میں کامیاب ہونے کا راز ۔؟
1۔ سکل/ہنر اور تعلیم سے بڑی کوئی پرچی نہیں ہے ۔ اگر آپ کا تعلق کسی بڑی کاروباری یا زمیندار فیملی سے نہیں ہے تو تعلیم اور ہنر ہی آپ کو خوشحال بنا سکتا ہے ۔ تعلیم سے مراد علم و ہنر ہے ڈگری نہیں ہے۔
2۔ کامیابی ایک پراسس کا نتیجہ ہے ۔ پراسس فارمنگ کی مانند ہے ۔ یعنی پہلے زمین تیار کریں۔ پھر بیچ بویں۔ پانی اور کھاد ڈالیں ۔ ناخوشگوار عوامل سے محفوظ رکھیں اور پھر نتیجے کا لطف اٹھائیں ۔
3۔ فوری نتیجہ حاصل کرنے کا خواہشمند آدمی کبھی خوشحال نہیں ہو سکتا ۔ "راتوں رات" کامیابیوں کے پیچھے کئ دہائیوں کا خون پسینہ شامل ہوتا ہے ۔ جذبات پر قابو رکھنا سیکھیں ۔ وقت سے پہلے کچھ نہیں ملتا ۔
4۔ دنیا میں سب سے بڑا فن اور ہنر لوگوں کو "قائل کرنا" ہے۔ جس نے یہ ہنر سیکھ لیا وہ زندگی کے ہر شعبے میں کامیاب ہے۔
5۔ آپ کا سب سے بڑا اثاثہ آپ کی مثبت ذہنی کیفیت (mindset) ہے۔ مثبت سوچ والا بندہ ہی بیج بیجتا ہے اور نتیجے کا انتظار کرتا ہے۔
6۔ آپ کے دوست اور انفلوینسرز (Influencers) آپکے مستقبل پر اثر انداز ہوتے ہیں ۔ اچھے دوست کا مطلب ہے اچھا مستقبل ۔ میں ہمیشہ دوستوں کے چناو میں انتہائی محتاط رہا ہوں ۔
7۔ زندگی میں کبھی فارغ اور ویلے آدمی سے لڑائی نہ کریں ۔ لڑائی کا چناو ہمیشہ سوچ سمجھ کر کریں ۔ میں نے ایک دفعہ ایک ریٹائرڈ اور فارغ آدمی سے پھڈا کر لیا اور اس نے مجھے بارہ سال تک عدالتوں میں ذلیل کیا ۔ اس کے فوت ہونے کے بعد میری جان چھوٹی ۔
کبھی اس بندے سے لڑائی نہ کریں جس کے پاس کھونے کو کچھ نہ ہو۔ وہ چلتا پھرتا خود کش بمبار ہے۔ خود بھی مرے گا اور آپ کو بھی لے ڈوبے گا۔
8- غربت ایک لعنت ہے۔ یہ ایمان اور شان کی دشمن ہے۔ خوشحالی اللہ تعالی کی عظیم نعمت ہے۔ میں نے ہمیشہ اللہ تعالی سے خوشحالی کی دعا مانگی ہے۔ ہمیشہ وہ کام کریں جس سے خوشحالی آے۔ صاحب نصاب بنیں تاکہ آپ زکوٰۃ دے سکیں ۔ "اوپر والا ہاتھ نیچے والے ہاتھ سے بہتر ہے"۔ اوپر والا ہاتھ بنیں۔
9- اپنے آپ کو شاہراہ عام مت بنائیں کہ جو چاہے جوتوں سمیت آپ پر چڑھ جائے۔ اپنے آپ کو قیمتی موتی کی طرح محفوظ رکھیں۔ اپنےآپ کو اس قابل بنائیں کہ لوگوں کو آپ کا وقت لینے کیلئے کوشش کرنی پڑے۔
10- جس گھر میں ہر وقت خانہ جنگی ہو وہاں رزق ختم ہونا شروع ہو جاتا ہے۔ گھر میں امن اور سکون کیلیے اپنی پوری کوشش کریں۔ امن لانے کیلئے اگر ایک آدھ بندے کو گھر سے یا زندگی سے بلاک بھی کرنا پڑے تو کر لیا کریں۔ منفی لوگوں کا ایک علاج۔ البلاک البلاک۔
11- اپنے اخراجات کو ہمیشہ اپنی انکم سے کم رکھیں۔ بچت کی عادت ڈالیں ۔ کریڈٹ کارڈ اور دیگر سودی لعنتوں سے دور رہیں۔ بچت کو انویسٹ کریں۔ برے وقت میں پیسہ بہترین دوست کا کام کرتا ہے۔
12- اگر آپ کی انکم کا صرف ایک ہی ذریعہ ہے تو آپ بحران سے صرف ایک قدم کے فاصلے پر ہیں۔ کوئی ایک جھٹکا یا کسی ایک بندے کا موڈ آپ کو معاشی بحران میں مبتلا کر سکتا ہے ۔ فیملی انکم کے کئی ذرائع پیدا کریں ۔
13- غربت اور خوش حالی دونوں صورتوں میں صدقہ دیا کریں ۔ صدقہ اللہ تعالی کے ساتھ کاروباری ڈیل ہے۔ اس ڈیل میں ہمیشہ منافع ہی منافع ہے۔
(اشرف چودھری کے 13 نکات سے ماخوذ)
آپ کو کونسا پوائنٹ سب سے زیادہ اچھا لگا؟
نیچے تبصرہ ضرور کریں شکریہ !
ایک تبصرہ شائع کریں